Қозоқ халқи ўз аъзоларини сотишгача етиб келишди

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Добавлено 3 года назад от kirushqa

117 Просмотры

Қозоқ халқи ўз аъзоларини сотишгача етиб келишди

16 июн куни Олмаотада ғазабланган банк қарздорлари яна бир бор кредитларини кечиб юборишни талаб қилишди. Кўпчиликнинг аллақачон қарзларининг ярми кечирилган, аммо улар ҳали ҳам тўлай олмаябдилар.

Қарз олувчилар ўзлари қарзларини тўлаш учун деярли ўз аъзоларини сотишга мажбур бўлганликларини айтиб, ҳайвонларнинг ички қисмларини олиб келишди. Энг қизиқарли нарса шуки, норозилик намойишчилари орасида қарзларини 5 йилдан кўпроқ вақт давомида тўламаган одамлар бор эди, у муаммоли ипотека кредитларидан, қайта молиялаштирилгандан сўнг, фоиз ставкасини 23 фоиздан 3 фоизгача пасайтирилди ва барча жарималар ҳисобдан чиқарилди. Аммо у барибир қарзнинг 4 миллион танга миқдоридаги қолдиғини «кечиришни» талаб қилмоқда.

Вазиятни Молия бозорини тартибга солиш агентлигида ўрганилди. Улар пандемия даврида қарздорлар сони кўпаймаганлигини, аксинча камайганлигини таъкидладилар. Бундан ташқари, 2020 йилги маълумотларга қараганда, 2021 йил июн ойида жисмоний шахсларга берилган кредитлар 2 триллион тангага ошиб, бу кўрсаткич 8 трлнга етди.

Қозоғистонда банк қарздорларининг бу каби юришлари одатий ҳолга айланиб бўлган. 2008 йилдан бери бир неча бор давлат қарз олувчиларга қарз қуллигидан чиқиш имкониятларини тақдим этди. Аммо улар қарзларни кечиктиришни ёки қайта молиялаштиришни хоҳламайдилар. Уларнинг талаби тўлиқ бекор қилишдир.

Маълумки Қозоғистон чет давлатлардан катта қарз олиш эвазига давлат иқтисодини бироз кўтаргандай бўлди лекин ўз фуқароларини риболи карз ботқоғига ботирди. Форбес журналининг маълумотига кўра Қозоғистоннинг ташқи қарзи умумий ҳисобда 160 млрдан ошиб кетган. Қозоғистон қалбаки иқтисодий ўсиш ясаб бериш йўли билан ўз фуқароларининг яшаш тарзларини кўтариб юборган эди. Лекин бу иқтисодий ўсиш асосан Ғарбдан кириб келган қарзлар эвазига бўлди. У Ғарб олами учун ипотека кредит берувчи компанияларга кенг эшик очиб берди. Улар Қозоқ миллати учун жуда катта ва кўп миқдордаги кредитларни тарқатиб юборишди. Ипотека кредитларининг бошқаларидан фарқи шундаки, улар фақат янги қурилишлар ва кўчмас ёки кўчувчи мулкларни сотиб олиш учун берилади. Мамлакатни оёққа тургизиб юбориши мумкин бўлган оғир ва енгил саноат соҳаларига эса, маблағ ажратиш мумкин эмас. Бу кредитлар Қозоғистон давлатининг раҳбарлиги ва кафиллиги остида берилганлиги боис Қозоғистон фуқоролари ҳам, давлати ҳам кредитларнинг кўп қисмини тўлай олмай, инқироз ҳолатига келиб қолишди. Тўғрироғи, Ғарб олами томонидан атайин шу ҳолатга олиб келинди. Натижада эса Қозоқ халқи ўз аъзоларини сотишгача етиб келишди.